Татарстанда 23 яшьлек егет югалган (ФОТО)

Азнакайда яшәүче 23 яшьлек Асылгәрәев Айнур Равил улын эзлиләр, ул 22 декабрьдә өеннән чыгып киткән һәм әлегә кадәр әйләнеп кайтмаган, дип хәбәр итә "Шәһри Казан".

Егетнең аерым билгеләре: буе 167 см., коңгырт күзле, сакалы бар. Өстенә кара төстәге кышкы куртка, соры төстәге кофта, куе соры төстәге джинс чалбар, кара кроссовки һәм кара шапка кигән.

Бәлки, күрүчеләр бардыр. Түбәндәге телефонга хәбәр итүегезне сорыйбыз 8-800-700-54-52 яки 112 (шалтырату бушлай).

Теләсә нинди мәгълүмат мөһим!