Яңа елда озын яллардан соң беренче эш көнендә ничәсендә чыгабыз?

Татарстан халкы Яңа ел бәйрәмнәрендә 10 гыйнварга кадәр ял итәчәк. Беренче эш көне 11 гыйнварда була. Бу турыда «Татар-информ» агентлыгына Татарстан Хезмәт, мәшгульлек һәм социаль яклау министры Эльмира Зарипова әйтте.

«Безне озын яллар көтә. Татарстан Президенты карары белән, 31 декабрьдәге эш көне 26 декабрьгә күчерелде. 26 декабрьдә 1 сәгатькә кыскарак эш көне була. Яңа ел каникуллары 1 гыйнвардан 10 гыйнварга кадәр дәвам итәчәк. 11 гыйнварда без эшкә чыгарга тиеш», — диде министр.

Министр бер-береңә ярдәм итәргә, аеруча балалары башка шәһәрләрдә яшәүче өлкәннәргә карата игътибарлы булырга чакырды. Әти-әниләргә, туганнарга шалтыратып хәл белешергә киңәш итте.

Чыганак