Без татар телен өйрәнәбез

Март башыннан “Нур” мәчете каршындагы мәдәни-мәгърифәт үзәгендә мәктәп укучыларын татар теленә өйрәтүгә тәгаенләнгән “Без татар телен өйрәнәбез” курслары үз эшен башлап җибәрде. Дәресләр дүшәмбе, сишәмбе, чәршәмбе, атнакич көннәрендә 18-19 сәгатьләрдә “Нур” мәдрәсәсенең икенче катындагы уку бүлмәсендә уздырыла.

Укулар “Татарча сөйләшик” дип аталган махсус дәреслек буенча алып барыла. Әлеге уку әсбабы унөч бүлектән тора һәм һәр бүлек аерым теманы үз эченә ала, – дип таныштыра укуларны алып баручы Гөлия Закирова. – Дәресләрне укучылар өчен кызыклы, файдалы итү өчен төрле алымнар кулланыла. Әйтик, чираттагы дәрестә үзәк китапханә хезмәткәре Миләүшә Шәйхетдинова балаларга Әгерҗе урамнарының ни өчен теге яки бу исем белән йөртелүе турында сөйләячәк.

Алга таба укучылар белән экскурсияләр оештыру, парк-скверларга бару да планлаштырыла.

Укулар май азыгына кадәр дәвам итә.

Безгә кушылырга теләүчеләрне көтеп калабыз, – ди мөгаллимә.

Белешмәләр өчен телефон – 89872930463.