32 яшьтәге ир-атнын автомобилен конфискацияләгәннәр

Әгерҗе районы прокуратурасы 32 яшьтәге җирле кешегә карата җинаять эше буенча дәүләт гаепләвен хуплаган. Суд ир-атны автомобиль руле артына кабат исерек килеш утыруда гаепле дип таныган. 

Судта билгеле булганча, ир-ат 17 июль көнне салмыш хәлдә ВАЗ-21150 автомобиле белән идарә итә. Авылларның берсендә полиция хезмәткәрләре машинаны туктата. Әлеге ирнең элек тә исерек килеш руль артына утырган өчен административ җаваплылыкка тартылуы билгеле була. 

Ул үз гаебен таныган. Суд, аңа 200 сәгать мәҗбүри эшләргә җәлеп итү рәвешендәге җәза билгеләп, ике ел ярымга транспорт белән идарә итү хокукыннан мәхрүм иткән. Моннан тыш, автомобиль, җинаять кылу чарасы буларак, дәүләт милкенә конфискацияләнгән. 

Суд карары үз көченә кермәгән. 

Әгерҗе районы прокуратурасы материаллары буенча