Чаллы янында авариядә 7 кеше, шул исәптән 4 бала имгәнгән
Йөртүче каршы як полосага чыга
Чаллы шәһәре янында авариядә 7 кеше имгәнгән. Бу турыда «Татар-информ»га Татарстан буенча Эчке эшләр министрлыгында хәбәр иттеләр, дип яза Интертат.
Фаҗига Чаллы-Түбән Кама юлының 2нче километрында була.
«Якынча белешмә буенча, «Лада Приора» машинасын йөртүче каршы як полосага чыга, биредә ул «каблук» тибындагы «Лада Гранта» автомобиленә бәрелә. Шулай итеп 7 кеше имгәнә. ЮХИДИ хезмәткәрләре авария сәбәпләрен ачыклый», – дигәннәр ведомствода.
«Татар-информ»га шаһитлар хәбәр иткәнчә, имгәнүчеләрнең өчесе олы кеше, дүртесе – балалар. Барысын да Чаллы Ашыгыч медицина ярдәме хастаханәсенә илткәннәр. Үлүчеләр юк, диелә хәбәрдә.
шаһитлар фотосы
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев