Машина таптатып, 14 ат һәлак булган

Оренбург өлкәсендә «Тойота Лэнд Крузер» машинасы ат көтүенә бәрелгән. 14 ат урында ук һәлак булган. Бу турыда РИА Новости төбәк буенча Эчке эшләр министрлыгына сылтама белән хәбәр итте, дип яза Интертат.

Машина йөртүчегә медицина ярдәме күрсәткәннәр һәм кайтарып җибәргәннәр.

Полиция белешмәсе буенча, фаҗига Орск-Шильда-Чиләбе өлкәсе чиге юлында, Тасбулак авылы янында була. Орск шәһәрендә яшәүче 39 яшьлек ир-ат «Тойота Лэнд Крузер» машинасы белән ат көтүе өстенә барып керә. Атлар биредә яшәүче кешенеке була.

«Авариядә бөтен терлек тә һәлак булды, машина йөртүченең аскы казналыгы сынган, битендә имгәнгән урыннар күп. Аңа медицина ярдәме күрсәтелде», дигәннәр Эчке эшләр министрлыгында.