Татарстанда полицейскийлар күпердән сикерергә җыенган егетне коткарган
Егет исерек булып чыккан
Чаллыда полицейскийлар күпердән сикерергә ниятләгән егетне коткарган.
Хокук саклау органнарындагы чыганак «Татар-информ» агентлыгына хәбәр иткәнчә, полициянең кизү бүлегенә поезд машинисты шалтыратып, тимер юл күпере коймасы артында бер егетнең басып торуын, аның күпердән аска сикерергә җыенуын әйткән.
Урынга беренчеләрдән булып ЮХИДИ хезмәткәрләре килгән, алар күпер астындагы трассада хәрәкәтне япкан. Бераз соңрак ашыгыч хезмәт экипажлары да килеп җиткән.
Полицейскийларның берсе, егеткә мөрәҗәгать итеп, бу адымны ясамаска чакырган. Егет элемтәгә керсә дә, үз ниятеннән баш тартмаган.
Ул аска сикерергә дип иелгәч, полицейскийлар һәм коткаручылар аның кул-аякларыннан эләктереп, фаҗигане булдырмый калган.
Егет исерек булып чыккан, аны наркология диспансерына алып киткәннәр.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев