Әгерҗе хәбәрләре

Әгерҗе районы

18+
Рус Тат
2024 - год Семьи
Бәла-каза

Яңа ел корпоративында сугышканнан соң, тугыз көн комада яткан егет үлгән

33 яшьлек ир-атны имгәткәнче кыйнап ташлаганнар

Прикамьедагы Губаха шәһәрендә узган елның 24 декабрендә «Гранат» кафесында корпоратив кичәсе була. Тимер юлчылар цехы коллективы бирегә Яңа ел каршыларга җыела. Кафеда тагын берничә компания була. 23.15 сәгатьтә 33 яшьлек Егор билгесез ир-ат белән талаша. Бу турыда «Комсомольская правда» хәбәр итте.

«Видеокүзәтү камералары кадрлары буенча Егорның берничә ир-ат белән баскыч төбенә чыгуы күренә. Аларның берсе иремнең битенә суга, ирем егыла һәм аңын югалта. Аннары аны аяклар белән типкәләп кыйныйлар. Иремне тагын бер ир-ат якламакчы була, ләкин аны да кыйныйлар. Сугыш беткәч, бер хатын ашыгыч ярдәм чакыра», — дип сөйли Егорның хатыны.

Егор бик каты имгәнә. Аны хастаханәгә илтәләр, әлеге җәнҗал турында полициягә хәбәр итәләр. Урынга килгән хокук саклаучылар җинаятьтә шикләнелүчене тоткарлый. Ул биредә яшәүче 38 яшьлек ир-ат булып чыга. Аны изоляторга озаталар.

Табиблар тугыз көн дәвамында Егорның гомерен саклап калу өчен көрәшә. Ул комада ята. Тик 3 гыйнвар иртәсендә Егор вафат була. Хәзер аның хатыны әлеге сугышның шаһитларын эзли, диелә хәбәрдә. 

Чыганак: Интертат 

Следите за самым важным и интересным в Telegram-каналеТатмедиа

Районыбызга кагылышлы яңалыклар белән безнең  Telegram-каналдан танышыгыз


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев