Әгерҗе районы ЗАГС бүлегендә 2022 елга йомгак ясадылар

Узган ел Әгерҗе районында 164 сабый – 84 малай, 80 кыз дөньяга килгән. 46 гаиләдә – беренче, 54 гаиләдә – икенче, 48 гаиләдә – өченче, 16 гаиләдә дүртенче һәм аннан күбрәк сабый тууы теркәлгән. Әгерҗедә яшәүче Марат–Марианна Мифтаховлар гаиләсендә игезәкләр Ариана һәм Ралина туган. 

ЗАГС бүлегендә 130 парның никахы рәсмиләштерелгән. 138 пар аерылышкан. 

Узган ел 420 райондашыбыз вафат булган. Аларның 226сы – ир-ат, 194е – хатын-кыз. 

Чагыштыру өчен: 2021 елда 208 сабый туган, 584 кеше вафат булган. 111 пар гаилә корган, 150 гаилә таркалган.