Әгерҗе районында Бердәм сайлау көне уза

Л.Айтуганов исемендәге шәһәр Мәдәният йортында урнашкан 477нче сайлау участогы ишекләре иртәнге сәгать 7дә ачылган.

– Әлеге участокка 754 сайлаучы теркәлгән. Шуның 12се – сайлауда беренче катнашучылар. Билгеле сәбәпләр аркасында бу көнне сайлау участогына килә алмаучы 11 кеше алдын тавыш бирде, - диде участок сайлау комиссиясе рәисе Павел Лукшин. 

Бу көнне гражданлык бурычын үтәргә килүчеләр өчен истәлек бүләкләре дә әзерләнгән. Иң беренче сайлау участогына Лилия Зәйнуллина килде.

-    Бер генә сайлауны да калдырмыйм. Һәрвакыт иртәнге сәгатьләрдә барырга тырышам, - диде ул.

Толстой урамында яшәүче Фирдания апа Сәлимгәрәева да гражданлык бурычын үтәргә беренчеләрдән булып килде.

-    Үзем дә, гаиләм дә сайлауларга баруны бурычыбыз итеп саныйбыз. Бу көн бәйрәм кебек бит ул, - диде ул. 

Сайлау участогына килүчеләрне кайнар чәй, тәмле камыр ризыклары белән сыйлау да оештырылган.