Бүген “Әгерҗе–Кече Пурга: чикләрсез территория” дип исемләнгән халыкара чаңгы ярышлары узды

Әгерҗедә Удмуртиянең атказанган тренеры Василий Чечегов истәлегенә багышлап өченче ел рәттән “Әгерҗе–Кече Пурга: чикләрсез территория” дип исемләнгән халыкара чаңгы ярышлары узды. Анда Татарстан һәм Удмуртиядән 250дән артык спорт сөюче катнашты. Ярыш кысаларында ТР чаңгы узышлары һәм биатлон федерациясе президенты Илшат Фәрдиев исеменнән Әгерҗе спорт мәктәбенә автобус һәм кар машинасы бүләк ителде.

Әгерҗе спорт мәктәбе директоры Илдус Чуков һәм чаңгы спорты секциясе тренеры Сергей Чечегов яңа автобус бүләк иткәннәре өчен федерация җитәкчелегенә рәхмәт белдерәләр. / М.Ягъфәрова фотосы