Бүген Әгерҗедә көзге ярминкә узды

Бүген Әгерҗедә чираттагы көзге ярминкә узды. Анда ашлык, ит, сөт һм сөт ризыклары, кышка консервланган кыяр-помидорлар, тәмле пироглар тәкъдим иттеләр.

Арпаның килосы – 9, бодайныкы 10 сум иде. Дуңгыз итен 350 сумнан тәкъдим иттеләр. Сыер итен 400 сумнан башлап 700 сумга кадәр алырга була иде. Сөтнең 1,5 литрын – 120, эремчекнең килосын – 250, кортның килосын - 600, сөтөстенең 350 граммын 250 сум белән саттылар. 

Бу юлы ярминкәдә Тәбәрле авыл җирлеге Советы һәм мәдәният хезмәткәрләре сатып алучыларга хезмәт күрсәттеләр. Фәнис Шәһәбиев гармунда уйнаган көйләргә дәртле җырлар бүләк иттеләр.