Гаилә, мәхәббәт һәм тугрылык көнендә Әгерҗедә бәйрәм концерты узачак

8 июль көнне 18:00 сәгатьтә Әгерҗенең район мәдәният йорты янындагы паркында Гаилә, мәхәббәт һәм тугрылык көненә багышланган бәйрәм концерты була. 

Бу көн Россиядә ел саен билгеләп үтелә һәм гаилә кыйммәтләре, мәхәббәт һәм тугрылыкның һәр кеше тормышында мөһимлеген символлаштыра. 

Чара программасы: 

1. “Ромашковое счастье” мастер-классы 

2. «Шатлыкта яшәгез» әдәби-уен программасы 

3. “Гаилә” фотозонасы

Чара «Татарстанда җәй» республика проекты кысаларында уза. 

Теләге булган һәркемне бәйрәмгә кушылырга һәм вакытыгызны гаиләгез, якыннарыгыз белән бергә уздырырга чакырабыз. Бу мәхәббәт, шатлык һәм җылылыкка корылган матур кичә булачак!