“Әгерҗе хәбәрләре“ сайтында яңа бәйге: “Ишегалдым – гөл-чәчәк“

Чәчәкләрнең күз явын алырлык купшы булып, ишегалдын, бакчаларны бизәгән иң матур мәле хәзер.

Хөрмәтле газета укучыларыбыз! Әйдәгез, райондашларны үзегезнең чәчәкләр иленә, могҗизалы матур дөньягызга кунакка дәшегез әле. Моның өчен аллы-гөлле чәчәкләр үсүче ишегалдын, бакчагызны фотога төшереп редакциягә генә юлларга кирәк. Исем-фамилиягезне, адресыгызны күрсәтергә, нинди чәчәкләр үстерергә яратуыгыз, аларны ничек тәрбияләвегез турында да язарга онытмагыз. Фотолар 8 сентябрьгә кадәр кабул ителә. Тавыш бирү - 9-22 сентябрьдә. Җиңүчене 23 сентябрьдә ачыклыйбыз.

Фотоларны agr-vesti@mail.ru электрон адресына, ВКонтакте һәм Одноклассники социаль челтәрләренә юлларга, редакциягә (Әгерҗе, К.Маркс урамы, 8) кертеп чыгарга мөмкин.