Әгерҗе хәбәрләре

Әгерҗе районы

18+
Рус Тат
2024 - год Семьи
Район тормышы

Әгерҗедә китап укырга яратучы балалар өчен “Самовар янында“ кичәсе узды

Уеннарда балалар гына түгел, әниләре дә актив катнаштылар

Балалар китапханәсендә китап укырга яратучы балалар өчен “Самовар янында“ кичәсе үткәрелде. Бәйрәмгә балалар әниләре һәм әбиләре белән килде.

Традицияләр һәм гореф-гадәтләрне саклау һәм буыннан-буынга тапшыру максатыннан оештырылган кичәдә самоварлар тарихы, аның төрләре белән таныштылар, шигырьләр сөйләделәр, мәкальләрне искә төшерделәр, табышмакларның җавапларын таптылар. Уеннарда балалар гына түгел, әниләре дә актив катнаштылар.

– Мин бүгенге чарага өч кызым белән килдем. Бүген биш яшьлек кызым Дарья аудитория каршында беренче тапкыр чыгыш ясады. “Милости просим на чашечку чая“ шигырен сөйләп тамашачыларның көчле алкышларына лаек булды, – диде Валентина Капарова.

Әниләре Гөлия Зарипова белән бәйрәмгә килгән Дилә һәм Алмазга төрле бәйгеләр ошаган.

– Түгәрәк өстәл артында самовар чәе эчү дә бик күңелле булды, – диделәр алар.

Китапханәгә оныклары белән еш килүче Антонина Кушакова бәйрәм мохите булган мәдәни чарада уеннарда һәм такмак әйтешүдә катнашып, күңелле ял итүе өчен китапханә хезмәткәрләренә рәхмәтен белдерде.

Следите за самым важным и интересным в Telegram-каналеТатмедиа

Районыбызга кагылышлы яңалыклар белән безнең  Telegram-каналдан танышыгыз


Галерея

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев