Әгерҗедә Сабан туе башланды

Бу минутларда Әгерҗе ипподромында Сабантуй башлана. Милли бәйрәмебез белән кунакларны ТР Дәүләт Советы депутаты Альберт Хәбибуллин, район башлыгы Валерий Макаров котладылар. Альберт Галимҗан улы Татарстан Президенты Рөстәм Миңнехановның Сабантуй котлавын укып җиткерде.

Бүген Сабантуй сәхнәсендә районыбызның 200дән артык үзешчәне катнаша. Шулай ук яраткан җырчыларыбыз Гөлсирин Абдуллина, Азат Абитов, Ринас Габбасов үз чыгышлары белән сөендерәчәк. Шулай ук спорт чаралары, бәйгеләр булачак. Сабантуй мәйданына рәхим итегез, райондашлар!