Әгерҗенең “Яшьлек“ паркында фонтан эшли башлады.

Моңа кадәр дә халык яратып йөри торган урыннарының берсе булган парк – хәзер иң популяр ял итү урыны. Өлкәннәр дә, яшьләр дә фонтанга карап хозурланалар. Биредә кечкенәләр аеруча күп.

• Мин оныгым Әмир белән килдем бирегә. Аны һич кенә дә фонтан яныннан алып китеп булмый,  – ди Наил Ювакаев.

Кечкенә Миша да беренче күрүдә үк бик ошаткан фонтанны.

• Без әле кичен дә бирегә киләчәкбез. Фонтан янында фонарьлар бар бит. Алар яктысында биредә аеруча матур булачак, – ди кечкенә Мишаның әнисе Руслана Касьянова.

4нче мәктәпнең дүртенче сыйныф укучылары да биредә.

– Сихри матурлык биредә! Искиткеч! – ди әлеге сыйныф укучысы Алинә Сәлимова да.