Иртәгә “генераль җыештыру“ өмәсенә кушылабыз

Табигатьне саклау, тирә-якны тәртипкә китерү чараларына безнең район да кушыла.

• Җомга көн төштән соң барлык оешма-предприятие коллективларын  “генераль өмә“гә чыгарга чакырабыз. Көннәр матур торганда тирә-ягыбызны да тәртипкә китереп калырга ашыгыйк, – дип мөрәҗәгать итә “Әгерҗе шәһәре“ муниципаль берәмлеге башкарма комитеты җитәкчесе Әнвәр Рәхмәтуллин.

Шәхси йортларда яшәүчеләрне дә генераль җыештыруга кушылырга чакырабыз.

Гомумән , акциядә  табигатьне саклауга, аның чисталыгына  битараф булмаган һәркем катнаша ала. Әгерҗе урманчылары “Орешник“ территориясен чистартырга чыгачаклар.

Көзнең бер көнен игелекле эшкә багышлап, табигать баласы булуыбызны раслыйк.