Иж елгасына баткан балыкчыларның берсен эзләү дәвам итә

Узган шимбәдә ике Тирсә, бер Ижау кешесе Иж елгасына балыкка дип чыгып китәләр.

Әмма аларга өйләренә кире кайту насыйп булмый.

Чәршәмбе көн полиция вәкилләре, коткаручылар, Чаллыдан килгән водолазлар Наҗар тирәсеннән агучы Иж елгасыннан "Лада" автомобилен чыгаралар. Аның эченнән ике ир-ат һәм бер хатын-кыз мәете табыла. Әлеге ханымның да Тирсәдән булуы ачыклана. 62 яшьлек Тирсә кешесен эзләү дәвам итә.

Аларның узган шимбәдә Иж елгасына балыкка дип чыгып китүләре мәгълүм. Балыкчыларның берсе Ижау кешесе булган.