Күңелемдәгесен әйтәм: миләш агачларын кем кискән

“Мин көн саен локомотив депосының ял йорты яныннан узып йөрим. Биредә һәрвакыт  чисталык, тәртип. Әмма шушы көннәрдә булган бер хәл бик нык кәефемне төшерде. Ял йорты янында бик матур булып миләш агачлары үсә иде. Мин ул агачларны кемнәр утыртканнарын да хәтерлим әле. Бер көнне эштән кайтканда ни күрим, бер агач та калмаган, барысын да кисеп бетергәннәр. Алтын көздә шушы миләшләрнең янып торган җимешләренә карап сокланып уза идем... Бу матурлыкка кем кул сузды икән һәм ни өчен?“