Көчек мәктәбендә Халыкара туган тел көненә багышланган бәйрәм узды (ЗУР ФОТОРЕПОРТАЖ)
Бәйрәмдә татар, рус, мари, удмурт милләтләре вәкилләре катнашты
Көчек – райондагы иң күпмилләтле авыл мәктәбе ул. Биредә татар, рус, мари, удмурт балалары белем ала. Алар һәр халыкның милли традицияләрен, гореф-гадәтләрен хөрмәт итәләр, бәйрәмнәрне бергәләп уздыралар.
Бу көнне үзәкләштерелгән китапханәләр системасы хезмәткәрләре калфак тегү серләренә өйрәтсәләр, шушы мәктәп укучысы – Кадрәк авылы кызы Элина Ижбулдина сәйләннән бизәнү әйберләре ясап күрсәтте. Һәр халыкның гореф-гадәтләрен, милли ризыкларын чагылдырган күргәзмәләр эшләде.
Төрле телләрдә җыр-шигырьләр яңгырады. Күмәк биюләр оештырылды. Кадрәктән һәм Варкләд-Бодьядан килгән “Кадрәк сем“ һәм “Инвис“ ансамбльләре укучыларга матур чыгышларын бүләк иттеләр.
Соңыннан мәктәп директоры Айгөл Гыйззәтуллина бәйрәмнең бизәге булган һәркемгә Рәхмәт хатлары тапшырды.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев