Красный бодагы “Наз” социаль приютында тәрбияләнүчеләр “Экояз-2024” бәйгесенә кушылдылар

Красный бодагы “Наз” социаль приютында тәрбияләнүчеләр зур теләк белән “Экояз-2024” бәйгесенә кушылдылар.

Алар приют һәм авыл территорияләрен чистартуга үзләреннән зур өлеш кертәләр. Бөек Ватан сугышында һәлак булганнар хөрмәтенә куелган һәйкәл тирәсе дә приютта тәрбияләнүче малайлар һәм кызлар көче белән чистартылган. Социаль педагог Анастасия Зуева җитәкчелегендә алар чүпләрне җыйганнар, көздән калган яфракларны тырмалаганнар. 

–    Һәр бала бу эшнең туган илебезгә җиңү алып килгән бабаларыбызга олы хөрмәт билгесе икәнлеген аңлап, зур җаваплылык белән башкарды, – ди Анастасия Зуева.