Ленар Нургаянов Валерий Макаров вафатына бәйле кайгы уртаклашу белдерде

Бүген иртән кайгылы хәбәр килде. Әгерҗе муниципаль районы башлыгы Макаров Валерий Владимировичның йөрәге тибүдән туктады. Аңа 58 яшь иде.

Район башлыгы Ленар Нургаянов үзенең рәсми телеграм-каналында кайгы уртаклашу белдерде.

"Соңгы көннәренә кадәр ул яман авыру белән көрәштә искиткеч ныклык күрсәтте. 2012-2020 елларда муниципалитетны җитәкләгәндә, Валерий Владимирович Әгерҗе районын үстерү өчен күп нәрсә эшләде. Аның җитәкчелегендә территорияләрне төзекләндерү, гражданнарның яшәү шартларын яхшырту, торак-коммуналь хуҗалык объектларының тотрыклы эшләве буенча зур эш алып барылды. Хезмәттәшләре, учреждение һәм оешма җитәкчеләре аның профессиональлеген, җаваплылыгын, ышанычлы булуын бүген дә хәтердә тотып, югары бәялиләр. Валерий Владимировичның үлеме гаиләсе, якын кешеләре өчен генә түгел, ә Әгерҗе районында яшәүчеләрнең барысы өчен дә зур югалту. Аның турында якты истәлек бик күп кешеләрнең йөрәкләрендә мәңгегә сакланачагына ышанам. Туганнарына һәм якыннарына сабырлык теләп, тирән кайгы уртаклашам. Урыны оҗмах түрләренда булсын!" - дип язган Ленар Фәридович.