Миләүшә Шәйхетдинова “Мәгарифтәге казанышлары өчен“ күкрәк билгесе белән бүләкләнде

Бу көннәрдә Казанда татар теле һәм әдәбияты укытучыларының VII Бөтенроссия съезды уза. Анда илебезнең 26 төбәгеннән 400 мөгаллим катнаша.

Әлеге чара кысаларында татар телен саклауга һәм үстерүгә зур өлеш керткәне, мәгариф өлкәсендәге нәтиҗәле хезмәте өчен район мәгариф идарәсенең милли мәсьәләләр буенча методисты Миләүшә Рәшит кызы ШӘЙХЕТДИНОВА Татарстан Мәгариф һәм фән министрлыгының “Мәгарифтәге казанышлары өчен“ күкрәк билгесе белән бүләкләнде. Әлеге олы бүләкне аңа ТР мәгариф һәм фән министры Илсур Һадиуллин тапшырды.