Район тормышы
Президент безнең районга төягеч трактор бүләк итте
Татарстан Президенты Рөстәм Миңнеханов район башлыкларына коммуналь техника ачкычлары тапшырды. Болар – автогрейдер, кар чистарту, төягеч машиналар һәм башка төрле махсус техника. Безнең район башлыгы Валерий Макаров Президент кулыннан төягеч трактор ачкычы алды.
- Республикада коммуналь техниканы яңарту программасы эшләвенә без бик шат. Мондый ярдәм өчен Президентыбызга зур рәхмәт, – ди Валерий Владимирович.
- Шәһәребезгә әлеге техника бик тә кирәк иде. Быел кышын урамнарны кардан чистарту җиңелрәк булыр дип уйлыйм. Чөнки кар түгү техникасы тагын бер берәмлеккә артты, – ди “Әгерҗе шәһәре“ берәмлеге башкарма комитеты җитәкчесе Әнвәр Рәхмәтуллин.
Бу юлы республиканың 25 район башлыгына 46 берәмлек коммуналь техника ачкычы тапшырылды.
- Техника паркын яңарту эше алга таба да дәвам итәчәк. Бу районнарда юлларны вакытында чистартсыннар, яхшы хезмәт күрсәтсеннәр өчен кирәк, — диде Рөстәм Миңнеханов.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев