Район башлыгы Әгерҗенең яшь футболчыларын бүләкләде

Бүген Әгерҗе муниципаль районы Советының XXI утырышы булды. Киңәшмә кысаларында бүләкләү тантанасы да узды.

Район башлыгы Азат Вәлиев Татарстан Республикасы беренчелегендә 2 нче урынны яулаган «Спутник» футбол командасына Рәхмәт хатлары тапшырды. Шулай ук команда тренеры Алексей Колчин да бүләкләнде.

"Сезгә спорт үсешенә, яшь спортчыларны әзерләүгә зур өлеш керткәнегез, балаларга карата игътибарлы карашыгыз һәм аларның һәрберсендә спорт уңышларына омтылыш ачуда ярдәмегез өчен зур рәхмәт белдерәм. Аларның казанышлары - сезнең тырыш хезмәтегезнең нәтиҗәсе. Сезгә сәламәтлек, иминлек, алга таба да зур җиңүләр телим", - диде Азат Рөстәм улы.