Район башлыгы Азат Вәлиев җылылык бирү буенча оператив киңәшмә үткәрде

Бүген, 13 сентябрьдә, Әгерҗе районы башлыгы Азат Вәлиев муниципаль органнар һәм учреждениеләр җитәкчеләре катнашында оператив киңәшмә үткәрде. Бу хакта район матбугат хезмәте хәбәр итә.

Киңәшмәдә каралучы төп мәсьәләләр - социаль учреждениеләргә һәм күпфатирлы йортларга җылылык җибәрү, шулай ук социаль объектлар төзү һәм ремонтлау буенча республика программаларында катнашу өчен документлар әзерләү. Беренче пункт буенча җылыту сезоны башлану турындагы карарның имзалануы билгеләнде. Планлы, этаплы старт 12 сентябрьдән башланды.

Район башлыгы җитәкчеләрне кабат халык мөрәҗәгатьләре белән эшне көчәйтергә чакырды. Җитәкче тәнкыйть кисәтүләре булган хәбәрләргә аерым игътибар бирергә, сәбәпләрне бетерү өчен чаралар күрергә кирәклеген ассызыклады.

Азат Рөстәм улы социаль челтәрләрдә яшәүчеләрнең мөрәҗәгатьләре буенча эш планын әзерләү буенча йөкләмәләр бирде һәм катнашучыларны уртак, нәтиҗәле эшкә, куелган бурычларны хәл иткәндә үзара ярдәм итешүгә өндәде.

Алга таба авыл хуҗалыгы идарәсе башлыгы Дилүс Гатауллин Әгерҗедә 17 сентябрьдә узачак ярминкә вакытында мәйданчыклар һәм сәүдә объектларын урнаштыруның фараз планы мәсьәләсен карау турында мәгълүмат белән чыгыш ясады.

Шулай ук Әгерҗе районында Өлкәннәр декадасын әзерләү һәм үткәрү турында мәгълүмат җиткерелде. Район башлыгы социаль үсеш бүлегенә, традицион чаралардан тыш, "Актив озын гомерлелек" программасын әзерләргә кушты.

Планлаштырылган барлык чаралар турында халыкка өстәмә мәгълүмат җиткереләчәк, диелә әлеге хәбәрдә.