Район кулланучылар җәмгыяте пайчыларының отчет­сайлау җыелышы узды

Район кулланучылар җәмгыяте пайчыларының отчет­сайлау җыелышы узды. Анда “Татпотребсоюз“ идарәсе рәисе Рашат Шәймәрданов, район башлыгы Ленар Нургаянов катнаштылар.

Бүгенге көндә предприятие райондагы 72 авылга хезмәт күрсәтә. 2023 елда күрсәтелгән хезмәтләрнең гомуми күләме 362 миллион сум тәшкил иткән. Бу – 2022 елга карата 101 процент.

Узган ел хәзерләүләр эш чәнлегендә җәелдергәннәр. Район кулланучылар җәмгыяте рәисе Рөстәм Ваһапов алда торган бурычларга да тукталды. Шуларның берсе – кулланучылар җәмгыятенә яшьләрне җәлеп итү. Бу көнне бер төркем хезмәткәрләргә төрле дәрәҗәдәге бүләкләр тапшырылды.