Редакция уйнаткан микродулкынлы мичне Иж-Бубыйдан Латыйповлар гаиләсе отты

Вакытлы матбугат басмаларына язылу барышында, без – “Әгерҗе хәбәрләре“ район газетасы коллективы да укучыларыбызны ай саен бүләкләр уйнатып сөендерәбез. Апрель аенда “Әгерҗе хәбәрләре“нә язылучылар арасында микродулкынлы мич уйнатабыз дип игълан итүебез булды, ватсап номерына квитанцияләр агыла башлады. 

. “Әгерҗе хәбәрләре“нә язылганыгыз, аны “хәрефен дә калдырмый“ яратып укыганыгыз өчен зур рәхмәт сезгә, райондашлар! Бу юлы микродулкынлы мич кенә уйнатабыз дип игълан итсәк тә, квитанцияләр күп килү сәбәпле, тагын бер бүләк – үтүк әзерләдек. Аны Азеводан Людмила ОРЕХОВА отты. Ә төп бүләкне откан хуҗалар – Мансур–Рәзилә Латыйповларны үзебез барып котлап кайттык.