Тиздән районда яңа медпункт ачыла

Азево авылында яңа модульле фельдшерлык-акушерлык пункты бинасын төзү эшләре тәмамланды. 

–     Медицина кирәк-яраклары кайтарылып, җиһазлар да урнаштырылды. Хәзерге вакытта территорияне тәртипкә китерү һәм техник коммуникацияләрне ялгау буенча эшләр алып барыла, – ди район үзәк хастаханәсе баш табибының халыкка медицина хезмәте күрсәтү буенча урынбасары Анжелика Овчинникова. 

Бу – исәп буенча безнең районда республика программасы кысаларында торгызылган ундүртенче ФАП. Аны быел кулланылышка тапшыру планлаштырыла.

Исегезгә төшерәбез: халыкка беренчел медик-санитар ярдәм күрсәтүне камилләштерүгә тәгаенләнгән республика программасы нигезендә торгызылган мондый беренче ФАПлар 2012 елда Биектау һәм Шаршады авылларында ачылган иде.