“Хәрәкәт” өстәл теннисы үзәгендә бәйрәм һәм рәхмәт атмосферасы хөкем сөрде

Бүген “Өченче яшь” 15 нче республика спартакиадасында триумфаль рәвештә җиңү яулаган Әгерҗе командасының 11 катнашучысы, лаеклы бүләкләр алу өчен, бирегә җыелды.Кроссовкалар, кепка һәм спорт форма, аларның спорт казанышларын тануны һәм сәламәт яшәү рәвешенә тугрылыкны символлаштыра.

Бүләкләрне “Россия пенсионерлары берлеге” бөтенроссия иҗтимагый оешмасының Татарстан Республикасы буенча төбәк бүлеге идарәсе рәисе Мишина Любовь Николаевна һәм Әгерҗе районы башлыгы урынбасары Илфат Ямалиев тапшырдылар.

Аларның бәйрәмдә катнашуы Әгерҗе командасы җиңүенең әһәмиятен һәм республикада өлкән буынны үстерүгә зур игътибар бирелүен ассызыклады. Любовь Николаевна барлык спорт сөючеләргә җылы сүзләр белән мөрәҗәгать итте. Ул аларның үҗәтлеген, рухи көчен һәм якташларына  үрнәк булуларын билгеләп үтте.

“Сезнең җиңү - спорт казанышы гына түгел, ә безнең барыбыз өчен дә илһам чыганагы, - диде ул.

Ул шулай ук катнашучыларга ныклы сәламәтлек теләде һәм аларны яшь буынга спортка булган мәхәббәтләрен җиткерергә, балаларын һәм оныкларын актив тормыш рәвешенә җәлеп итәргә чакырды.

Әгерҗе районы башлыгы урынбасары Илфат Ямалиев шулай ук команда өчен горурлануын белдерде һәм аларның уңышы - күпьеллык эш һәм спортка тугрылык нәтиҗәсе, дип ассызыклады.  .

Тапшырылган бүләкләр спорт сөючеләр өчен күңелле сюрприз гына түгел, яңа үрләр яуларга этәргеч тә булды.