Әгерҗедә 2 сыйныф укучыларын бушлай йөзәргә өйрәтәләр

Район башлыгы Ленар Нургаянов тәкъдиме белән “Олимп“ спорт комплексында йөзәргә өйрәтү буенча яңа “Всеобуч по плаванию“ дип аталган яңа проект старт алды. Анда шәһәрнең 2 сыйныф укучыларын бушлай йөзәргә өйрәтәчәкләр. 

–    Әлеге проект, беренче чиратта, балаларны савыктыруга юнәлтелгән булса, икенчедән, судагы бәхетсезлек очракларын кисәтүгә юнәлтелгән, – диде аны ачу тантанасына килгән район башлыгы Ленар Нургаянов шәһәр мәктәпләре укучыларын, аларның укытучыларын, әти-әниләрен сәламләгәннән соң. 

Йөзәргә өйрәтү дәресләре 36 сәгатькә исәпләнгән. Анда шәһәр мәктәпләреннән 2 сыйныф укучысы йөриячәк. Яңа елга кадәр 1нче гимназия, 2нче мәктәп 104 бала дәресләр ала. 2024 елда 3нче, 4нче мәктәп укучыларын көтәләр. Аларны йөзү серләренә инструктор Сергей Павлычев өйрәтә.