Районга балалар өчен “Спутник М” вакцинасы кайта башлады

Узган атнада районга 12­17 яшьтәге балалар өчен коронавируска каршы ике компонетлы ун доза “Спутник М” вакцинасы кайткан.

– Аларның барысы да куелды инде. Тагын ун доза вакцинага заявка бирелде, – ди район педиатры Ксения Мифтахова. – Балаларның барысы да үзләрен яхшы хис итә. Дөрес, кайберләрендә тән температурасы бераз күтәрелүе күзәтелде. Әмма ул тиешле нормада булды. Зурларныкы кебек үк, 21 
көн узганнан соң бу балаларга да вакцинаның икенче компоненты куелачак.

Балаларга прививка куйдыру өчен аның ата­-анасыннан гариза һәм вакцинациягә рөхсәт язуы алына. Прививка куйдырырга теләүчеләр балалар поликлиникасы регистратурасына (телефон: 22478) йә мәктәптәге шәфкать туташларына мөрәҗәгать итә алалар. Зурларга куйгандагы кебек үк, вакцина ясатыр алдыннан балаларны педиатр карый. Прививка сишәмбе һәм пәнҗешәмбе көннәрендә (8­16 сәгатьләрдә, 12­13 сәгатьтә – төшке аш) балалар поликлиникасының 4нче кабинетында куела