Татарстанның бер районында бер айлык балага коронавирус диагнозы куелган
Гаиләдә барлык өлкәннәр дә прививка ясатмаган булган
30 июльдә Зәйдә коронавирус йогышы белән авыруның ике очрагы расланды. Аларның берсендә COVID-19 белән бер айлык баланың авыруы ачыкланды. Бала июнь аенда туган. Гаилә Казанда яши, бала тугач Зәй районына туганнарына кайтканнар. Гаиләдәге барлык өлкәннәр дә COVID-19га каршы прививка ясатмаган булган.
Кулланучылар хокукларын яклау һәм кеше иминлеге өлкәсендә күзәтчелек федераль хезмәте тарафыннан бу очрак буенча тикшерү үткәрелә. Бала авыруны контактлы ысул белән башкалардан йоктырган, дигән шик бар.
Шулай ук COVID-19 йогышы 1997 елгы ир-атта расланган, ул аэропорт хезмәткәре булып эшли. Бу зәйле дә COVID-19дан прививка ясатмаган булган. Кулланучылар хокукларын яклау һәм кеше иминлеге өлкәсендә күзәтчелек федераль хезмәте тарафыннан аның элемтәләре ачыклана.
Ике очракта да авыру җиңел формада уза.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Районыбызга кагылышлы яңалыклар белән безнең Telegram-каналдан танышыгыз
Нет комментариев