Тозлы кыярның нинди зыяны бар?

Туклану буенча белгечләр маринадланган кыярның сәламәтлеккә зыяны турында аңлатты. Бу турыда Лента.ру язды.

Диетолог Джей Ковин (Jay Cowin) сүзләренчә, бер тозлы кыярда натрийның олы кеше өчен көнлек нормасының 66 проценты була. 

«Ләкин бер кыяр гына ашап туктау кыен, алар бик тәмле бит. Шуңа күрә организмга артык тоз керә, ул сәламәтлеккә зыянлы», — ди белгеч.

Доктор Вакас Ахмад Батар (Waqas Ahmad Buttar) сүзләренчә, озак вакыт дәвамында күп итеп тоз ашау кан басымы күтәрелүгә, бөерләр белән проблемалар чыгуга китерергә мөмкин.

Доктор Рашми Биакоди (Rashmi Byakodi) исә тозлы әйберләр ашауның тагын бер куркынычы турында кисәтә. Бу — гипертония һәм метеоризм. Ул тозлы ризыкның аппетитны арттыруын да әйтә. Маринадланган кыярда калорияләр аз булу сәбәпле, бик еш тозлы кыяр ашаучы кешеләр күп итеп ашый башлый, алар ялган ачлык хисе белән көрәшә, диелә хәбәрдә. 

Чыганак: Интертат 

Фото: pixabay.com