245 кеше коронавирус инфекциясе йоктырган
Соңгы тәүлектә коронавируска 8 меңгә якын тест үткәрелгән
Татарстанда соңгы тәүлектә коронавирус инфекциясенең 245 яңа очрагы ачыкланган. Россия Кулланучы хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) җитәкчесе урынбасары Любовь Авдонина «Татар-информ» агентлыгында узган матбугат конференциясендә шулай дип белдерде.
«Соңгы тәүлектә республикада яңа коронавирус инфекциясенең 245 очрагы теркәлде. Пандемия башланганнан бирле әлеге инфекцияне йоктырган кешеләр саны 184 537гә җитте», - дип хәбәр итте спикер.
Соңгы тәүлектә Татарстанда коронавируска 8 меңгә якын тест үткәрелгән.
95 процент очракта татарстанлылар «Омикрон» штаммын йоктырган, калган 5 проценты «Дельта»га туры килә.
ТР сәламәтлек саклау министры урынбасары Владимир Жаворонков әйтүенчә, бер тәүлек эчендә 587 кеше савыккан.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев