Россиядә коронавирус эпидемиясе активлаша
Хәзер коронавирусның «омикрон» штаммы, аның геновариантлары өстенлек итә
Россиядә коронавирус эпидемиясе кабат активлаша. Бу хакта Россия Кулланучы хокукларын яклау һәм кеше иминлеге өлкәсендә күзәтчелек федераль хезмәткә (Роспотребнадзор) сылтама белән «Российская газета» хәбәр итә.
Роспотребнадзорда COVID-19 инфекциясе эпидемиясенең активлашуының дәвам итүен әйттеләр. 2023 елның бишенче атнасында илдә бу инфекцияне йоктыруның 60 меңнән артык яңа очрагын теркәгәннәр. Бер атнада авыручылар 33 процентка арткан.
Хәзер коронавирусның «омикрон» штаммы, аның геновариантлары өстенлек итә.
Россиядә 1 миллионнан артык кеше грипп һәм сулыш юлларында вируслы кискен инфекция белән авырый. Бер атнада авыртучылар саны 11 процентка арткан.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Районыбызга кагылышлы яңалыклар белән безнең Telegram-каналдан танышыгыз
Нет комментариев