Табиблар Covid-19 йоктыруның иң куркыныч чорын атады

Коронавирус йоктырган кеше авыруның беренче биш көнендә тирә-яктагылар өчен аеруча куркыныч булып санала. Нәкъ шушы чорда вирусның иң актив вакыты була. Бу хакта «Известия» хәбәр итә.

Тикшеренүчеләр фикеренчә, бу үзенчәлек SARS-CoV-2 вирусына, калган ике йогышлы SARC-CoV һәм MERS-CoV вирусларына караганда, тизрәк таралырга ярдәм итә. Бу ике авыруның иң актив чоры шактый соңрак була — якынча бер атна һәм ун көнгә туры килә.

Коронавирус белән көрәштә иң нәтиҗәле алым булып элеккечә үзизоляция һәм гражданнарга авыруның билгеләре турында хәбәр итү булып тора.  

Чыганак