Татарстанда коронавирус йоктыручылар саны арта
Узган тәүлектә республикада яшәүче 65 кеше ковид йоктырган
Татарстанда коронавирус белән авыручылар санының бераз артуы күзәтелә. Узган тәүлектә республикада яшәүче 65 кеше ковид йоктырган, алдагы көндә шундый 60 очрак теркәлгән булган.
Хастаханәгә коронавирус белән авыручы 45 кеше, ә алдагы көндә 37 кеше китерелгән. Пандемия башланганнан алып, Татарстанда 194 869 кеше коронавирус йоктырган. Бу хакта стопкоронавирус.рф. порталы хәбәр итә.
Шул ук вакытта республикада яшәүче 192 102 кеше (узган тәүлектә – 19 кеше, бер көн элек – 30) бу чирдән савыккан.
Республикада коронавирустан 2010 кеше үлгән. Бу чирдән үлем турында соңгы мәгълүмат 20 гыйнварда чыкты.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев