Татарстанның бер авылында карантин игьлан ителгән

Котыру чире белән бәйле рәвештә, Татарстан Президенты Рөстәм Миңнеханов Указы белән 2 декабрьдән башлап Минзәлә районының Рус Каран авылында карантин кертелгән.

Әлеге авылда йорт хайваннарын сату тыелган, аларны торак пункттан читкә чыгарырга, кыргый хайваннарны ауларга, шулай ук клиник сәламәт терлекләрнең сөтен пастеризацияләмичә генә сатарга һәм кулланырга, дезинфекцияләмичә генә йон һәм тирене сатырга ярамый. Котыру чиренең соңгы очрагы теркәлгәннән соң ике ай узгач, карантин гамәлдән чыгарылачак.

Чыганак