“Әгерҗе хәбәрләре“ газетасы хезмәткәрләре ГТО тапшырды + ФОТО

Бер, ике, өч, безнең кулда көч дип без - редакция хезмәткәрләре дә ГТО (Хезмәткә һәм оборонага әзер) нормативларын тапшырырга дип Боз сараена юл алдык.

Әлбәттә, бераз куркытты башта. Чөнки көне буе компьютер каршында утырып эшләгәч, азрак хәрәкәтләнергә туры килә безгә.

Шулай да ГТО тапшыру бик авыр булды дип әйтмәс идек. Урыннан да сикердек, пресс та ясадык, перекладинада да күтәрелдек. Гомергә беренче тапкыр кулга винтовка тотып атып та карадык бу көнне. Әле ГТО тапшыру болар белән генә тәмамланмады. Җир-су кипкәч, ике чакрымга йөгерәсе бар. Йөзү, чаңгыда йөрү буенча да нормативлар тапшыру көтә безне. Бу төрләрдә дә сынатмабыз дип уйлыйбыз. Ә аңа кадәр үз алдыбызга һәр көнне җәяү күбрәк йөрергә, стадионга барып йөгерергә, гимнастика ясарга дигән бурыч куйдык.