Әгерҗе районы педагоглары Кышкы спартакиадада призлы урын алдылар

Актаныш районында Татарстан мәгариф хезмәткәрләренең 2017 елгы Кышкы спартакиадасы төгәлләнде. Чарада Татарстан Республикасы Премьер-министр урынбасары - Татарстан мәгариф һәм фән министры Энгель Фәттахов үзе дә катнашты.

Гомуми нәтиҗәләр буенча безнең район командасы 11 урынга чыкты. Ә чаңгычылар - 3 урында.

- Мондый киеренкелекне хәтта җитди спорт бәйгеләрендә дә сирәк күрәсең. Сез, нинди урын яулавыгызга карамастан, биредән барыгыз да җиңүчеләр булып кайтып китәсез. Спартакиаданы оештыручыларга, катнашучыларга чиксез рәхмәт, - диде министр.