Әгерҗедә узган “Кышкы уеннар“ чарасында җиңүчеләрне Кыш бабай бүләкләде + ФОТО
Кояшлы матур көнне “Орешник“ ял паркында узган “Кышкы уеннар“ чарасында балалар гына түгел, өлкәннәр дә рәхәтләнеп күңел ачтылар.
Район мәдәният бүлеге артистлары әгерҗелеләр өчен концерт номерлары әзерләгәннәр иде. Яшьләр үзәге активистлары балаларга квест-уенда үзләрен сынарга тәкъдим иттеләр. “Форпост“ үзәге, “Олимп“ спорт комплексы, спорт мәктәбе ярышларга, хәрәкәтле уеннарга дәштеләр.
Мәйданчыкта берьюлы берничә Кыш бабай һәм Кар кызын күрергә мөмкин иде. Мәсәлән, чаңгычыларга стартны Кыш бабай бирде. Финишка килеп җитүчеләрне дә Кыш бабай каршы алды һәм татлы бүләген тапшырды.
Район мәгариф идарәсе хезмәткәрләре балалар ясаган җимлекләрне агачларга элделәр.
Гомумән, уеннарда балалар да, өлкәннәр дә рәхәтләнеп уйнадылар, күңел ачтылар.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев