Әгерҗенең каты куллы спортчылары Удмуртия кубогын яулады

Балалар-яшүсмерләр спорт мәктәбендә Руслан Закиров җитәкчелегендә шөгыльләнүче 12 егет-кыз кул көрәше буенча Ижауда узган Удмуртия кубогы өчен ярышларда катнаштылар.

Бәйгедә Рузилә Шаһиева, Клавдия Плотникова - беренче, Аделя Шәйдуллина, Алнур Шакиртов - икенче, Марат Сөләйманов - өченче, Арсений Чечетко, Батыр Чураев, Алмаз Садыйков дүртенче урыннарны алдылар. Руслан Закиров үзе дә, көндәшләрен җиңеп, беренче урын яулады. Нәтиҗәдә, Удмуртиянең төрле шәһәрләреннән килгән 120 спортчы арасында Әгерҗе егет-кызлары иң күп очко туплап, команда буенча беренче урын алдылар һәм Кубок белән бүләкләнделәр.