Гөлназ Сәфәрова тормышындагы иң истәлекле көн турында сөйләгән

Алып баручы Гөлназ Сәфәрованың улы Айданга 11 яшь тулган. Гөлназ Телеграм каналында әни булган көнен искә ала. 

«Айданга 11 яшь тулды!

Тормышымда иң истә калган ел, көн, вакыйга дигән сорауга җавап: 2011 елның 21 августы. 
17.00 сәгатьтә мин әни булдым.

Бала тугач, тормыш 100% үзгәрә, диләр иде, ничек үзгәрсен инде ул, дип уйлый идем.
Үзгәрә икән шул, баланы табып, кулга алгач, үзеңдә аңлатып бирә алмаслык көч сизәсең! 
Дөньядагы бөтен тауларны күчерә алырлык көч икән ул.

Әйтәсе килгән сүзләремне Айданның үзенә генә җиткердем, ул шулай ярата. Ә монда фотоларын куям, бу альбом бәхетле фотолар белән тулылана барсын иде, Раббым», – дип язып калдырган Гөлназ Сәфәрова. 

Гөлназның Телеграм каналын укып баручылар Айданның сау-сәламәт, инсафлы, әти-әнисенә игелекле бала булып үсүен теләп, матур теләкләрен юллаганнар. 

Чыганак