Гүзәл Уразова һәм Илдар Хәкимовның дүртенче балалары кем булуы билгеле булды
Гендер пати үткәрделәр
Бүген Гүзәл Уразова инстадусларын Гашыйклар көне белән котлаган һәм гендер патидан видео куйган, дип яза "Интертат".
Иҗади гаилә дүртенче сабыйның җенесен белү өчен бөтен гаиләләре белән бергә җыелган, бу чарада песиләре дә шаһит булган.
Видеода гаиләнең башка әгъзалары түземсезлек белән Илдарның шар шартлатканын көтә. Зур шар эченнән ал төстәге вак шарлар чыга, димәк иҗади гаиләнең өченче кызлары туачак.
«Молодец, Илдар абый! Ювелир», «Кыз булган, димәк, тагын бер малай артыннан барачаксыз», «Өч кызлы әнинең урыны җәннәттә ди. Сау-сәламәт, бәхетле бала булып тусын!», — дип комментарийлар калдырган инстачылар.
Җырчыларның виртуаль дусларының бер төркеме шатланып котлаулар юллаган. Ә икенче төркем инстачылар Самирга энекәш теләгән булган икән.
«Самир, балакай кәефсезләнеп китте, үзенә иптәш булмагач» дип язучыга «Самир хәтле сөенгән кеше булмагандыр диегез. Бер малай була бит! Бу ал төстәге киемнәр кигәннәр кияүгә китеп бетәчәк бит. Самир — хуҗа!» дигән җавап та бар.
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев