Гүзәл Уразованың яңа образын тәнкыйтьләгәннәр

Гүзәл Уразова яңа күлмәген күрсәтте. Зәңгәр төстәге озын күлмәк бик матур, әмма кайберәүләргә артистның бер иң башы ачык булуы ошамаган.

«Затлы күлмәкнең ямен җибәргән, матур түгел. Син артист кына түгел, ә 4 бала әнисе», — дип язган бер инстачы.

Әмма күлмәкне ошатучылар күбрәк. Алар бик күп комментарий калдырган:

«Бигрәк килешә күлмәге, нинди яртысы ачык булсын, пәрәнҗә кигән кебек капланып бетәргәме? Яшь бит әле, олыларга килешеп бетми ул»,

«Дүрт бала түгел, 14 бала тапса да, ул — Гүзәл Уразова. Күлмәге бик килешле»;

«Күлмәгең - бомба»;

«Анламыйм, нәрсә булган бу күлмәккә? Бик килешле. Ун баласы булса да, ни тели - шуны кисен. Буй-сыны бик матур»;

«Искитмәле күлмәк»;

«Күлмәгең күз явын алырлык»;

«Күлмәгең бигрәк килешле».

Чыганак: Интертат