Гүзәлем нигә бай булганын әйткән

Җырчы Гүзәлем инстачының «Кайдан шул кадәр муллык?» дигән соравына җавап биргән.

«Булганына шөкер. Бөтен булган әйбер үз көчебез белән эшләп алынган. Бу Аллаһның рәхмәте белән, аның ризалыгы белән килгән мал. Өйдә бот күтәреп яткан юк. Алай гына күктән акча төшми шул.

Уйлап утырдым әле, мин Салават белән берюлы 8 төрле проект алып барабыз икән. Ничек җитешәбездер, үзем дә аңламыйм.

Шунысын әйтә алам, мин һәрвакыт дога кылганда «Барсы өчен дә сиңа рәхмәт (әле тезеп китәм җентекләп), рәхмәтеңнән ташлама, ризыгыңнан аерма, сәламәтлектән аерма (теләсә бер тамчы су да йота алмыйсың, реанимациядә үлем хәлендә яткан кешене күз алдына китерә аласыз), Эшләребездә уңышлар, бәрәкәтле хәләл акчалар насыйп ит, малларыбызны арттыр, иманнарыбыз арттыр», дип телим барыбыз өчен дә.Шушы теләкләрнең көчедер дип уйлым.

Барсына да әзер булырга кирәк. Бүген бар, иртәгә юк. Әгәрдә иртән торгач бер җиреңдә авыртмый икән, бүген ашарыңа бар икән, баш өстеңдә түбәң бар икән — син дөньядагы үзеңне иң бай кеше дип саный аласың.

Инстачылар җырчының сүзләрен хуплаган - "зирәк хатын", "акыллы хатын", - дип тә өстәгәннәр.

Чыганак

Фото: https://www.instagram.com/guzelem_official/