Илсөя Бәдретдиновага тамашачы: «Әниләр елаганда, концертларны туктатып торырга кирәктер»

Илсөя Бәдретдинова Чирмешән тамашачысына рәхмәт әйтеп, концерттан өзек куйган, дип яза "Интертат".

«Кыска гына видеодан да «супер» булачагы күренеп тора. Көннәрне санап көтәм», «Тизрәк күрәсе килә», – дип язган җырчының концертларын көтүчеләр.

«Илсөя, бик хөрмәт итәм үзеңне. Һәр программаңны карап барам. Шулай да әйтәсе килә. Ул концертларыгызны туктатып торырга кирәктер, дип уйлыйм. Бу сиңа гына кагылмый. Барлык артистларга да кагыла. Бөтен әниләр елап утырганда, күңел ачып йөрү дөрес түгел. Мин моны бер төркем әниләр исеменнән язам. Дөньялар гына тынычлансын, җырларсыз», – дип мөрәҗәгать иткән бер тамашачы.

«Халык йөри бит, йөргәч, алар җырлыйлар. Йөрмәгез, ничек тыңлап утырасыгыз киләдер. Буш залга чыгып җырламаслар иде. Менә миңа, алтын бирәм, дисәләр дә, кирәкми», – дип тә комментарий калдырганнар.