Салават белән Гүзәлемнең кызы бөтен кибетне «сатып алган» (ВИДЕО)

Салават Миңнеханов белән Гүзәлемнең кечкенә кызы Мәдинә бик йорт җанлы, уңган хуҗабикә булачак. Әтисе Мәдиненең кибет киштәләрен «бушатуын» видеога төшергән. Мәдинә кәрзингә яшелчә, җиләк-җимеш сала, аеруча кыярны күп итеп тутыра. «Болай булса, әнисеннән дә арттырачак бу. Берәрегезгә кыяр кирәкмиме анда?» — дип көлә әтисе.

«Азык-төлекне запас белән алып куя бу», — дигән Зәйнәб Фәрхетдинова. «Кыярны тозларсыз инде», «Маска ясар өчен кыяр, белмичә сайламас», «Әти-әнисе ач калмый мондый хуҗабикә белән», «Бу бала кыяр ярата, ахры», «Хәтәр кызлар белән яшисең син, Салават. Берсе бөтен кибетне сатып ала, икенчесе бер кул белән машина йөртә», — дип көлгәннәр инстачылар. «Бик уңган кыз бала үсеп килә», «Чын хуҗабикә булган бит бу», «Яз көне витаминнар ашарга кирәклеген Мәдинәкәй бик яхшы белә», — дип мактаганнар. 

Чыганак: Интертат

Фото: https://www.instagram.com/salavat_minnikhanov/ 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от САЛАВАТ МИННИХАНОВ (@salavat_minnikhanov)